Bremangerguta på akademilag

---

Bremanger sine førsteårs guttespelarar Sivert Kolseth og Espen Rosø har denne vinteren/våren spelt fire kampar for Stryn G15-akademilag. Dette akademilaget er i praksis Nordfjord sitt sonelag for 2000-kullet og det har vore trening i Stryn annankvar torsdag med Edvard Nordang og Jon Terje Tjellaug som trenarar. I 15-mannstroppen no sist var det spelarar frå Bremanger, Skavøypoll, TMFK, Eid, Stryn, Hornindal og Loen. Forrige helg var det turnering i Sognahallen og BIL-duoen Sivert og Espen spelte begge kampane for Stryn mot Florø og Sogndal, Sivert på venstre back og Espen på sentral midtbane og seinare i ei kantrolle på midtbana i eit 4-2-3-1-system.

Florø har vore dominerande i fylket i dette kullet og det var Florø dei spelte mot først denne helga. Dette Florø-laget bestod for det meste av Florø- og Førde-spelarar. Førsteomgangen var relativt jevnspelt og det stod 0-0 til pause. Eit stykke ut i 2.omgang gjekk Stryn opp i leiing 1-0 på ei fin avslutning av Espen heilt ute i hjørnet. Ei stund etterpå tok Florø gradvis over og vann til slutt 3-1, men Stryn ga dei god motstand i store delar av denne kampen.

Siste kampen mot Sogndal vart både spennande og målrik og etter mykje hard jobbing vann Stryn til slutt 4-3 over Sogn sine beste 2000-modellar. I denne kampen hadde Sivert ei målgjevande pasning. Fin innsats av begge Bremanger-gutane i Sogndal! Akademitreningar/akademikampar er eit veldig godt tiltak av Sogn og Fjordane Fotballkrets og eit nyttig og lærerikt supplement til treningskvardagen i klubbane.

Skrevet av Johnny Rosø